Yeni İnfo Xəbər Portalı

Avropa Birliyinin rəsmiləri dondurulmuş Rusiya aktivlərindən istifadə etməklə Kiyevə 140 milyard avro məbləğində kredit verilməsi planını həyata keçirməyə davam edəcəklərinə söz veriblər.

Bu barədə “Faynənşl Tayms” nəşri yazıb.

Qeyd olunur ki, bu, ABŞ-ın Ukrayna üçün hazırladığı yeni sülh planında yer alan təkliflərə baxmayaraq baş verir və həmin təkliflər bütün layihəni pozmaq gücünə malikdir.

Brüssel ümid edir ki, AB liderləri gələn ay “reparasiya krediti”ni təsdiqləyəcəklər. Avropa Komissiyası Ukraynaya göstərilən Avropa dəstəyinin transformasiyası planı üzərində intensiv işin davam etdiyini bildirib.

Nəşrin fikrincə, bu plan ABŞ Prezidenti Donald Trampın yeni “sülh təşəbbüsü” ilə şübhə altına alınıb. Tramp yüz milyardlarla dollar dəyərində dondurulmuş aktivləri ABŞ-ın rəhbərlik etdiyi Ukrayna və Rusiya üzrə investisiya fondlarına yönəltməyi təklif edir.