Yeni İnfo Xəbər Portalı

ABŞ-də dünyanın ilk gen modifikasiyası edilmiş körpə ilk addımlarını atıb.

Bu barədə "ABC News" məlumat yayıb.

"Ölümcül bir xəstəlikdən əziyyət çəkən körpə ilk dəfə gen terapiyası alıb və hazırda inkişaf mərhələsindədir. 16 aylıq oğlan bu yaxınlarda ilk addımlarını atıb", - deyə xəbərdə bildirilir.

Körpə olduqca nadir bir xəstəlik olan CPS1 çatışmazlığından əziyyət çəkir. Bu xəstəlik zülal emalının pozulması səbəbindən bədəndə ammonyakın toplanmasına səbəb olur və müalicə edilmədikdə erkən ölümlə nəticələnir.

ABŞ-li həkimlər körpə üçün altı ay ərzində unikal bir müalicə üsulu hazırlayıb və sınaqdan keçiriblər.

Bildirilir ki, uşaq dünyada fərdiləşdirilmiş CRISPR gen redaktə terapiyası alan ilk xəstə olub. İndi körpə inamla yeriməyi öyrənir, oyuncaqları ilə oynayır və tezliklə Milad bayramını evdə valideynləri ilə keçirəcək.