ABŞ Konqresinin Senatında 54,6 milyard dollar məbləğində yeni qanun layihəsi təqdim olunub.

ABŞ Konqresinin Senatında Ukraynaya əlavə yardım göstərilməsini nəzərdə tutan 54,6 milyard dollar məbləğində yeni qanun layihəsi təqdim olunub.

Bu barədə Senatın Xarici Əlaqələr Komitəsi məlumat yayıb.

Sənədin müəllifləri Nyu-Hempşir ştatından demokrat senator Cinn Şahin və Alyaska ştatından respublikaçı senator Liza Murkovskidir.

Qanun layihəsinə əsasən, yardım 2026 və 2027-ci maliyyə illəri ərzində (2025-ci il oktyabrın 1-dən başlayaraq) göstərilməlidir.

Paket birbaşa hərbi dəstəklə yanaşı, ABŞ-ın müdafiə sənayesinə investisiyaları və Birləşmiş Ştatlarda dondurulmuş Rusiya aktivlərindən əldə olunan gəlirlərin yardımın maliyyələşdirilməsinə yönəldilməsini də nəzərdə tutur.