Yeni İnfo Xəbər Portalı

Almaniyanın hərbi planlaşdırıcıları son dövrlərdə baş verən kiberhücumlar, diversiyalar və dezinformasiya kampaniyalarının yeni müharibənin başlanğıcı ola biləcəyindən narahatdır.

Bu barədə Politico nəşri məxfi hökumət sənədinə istinadən məlumat yayıb.

Məlumata görə, Almaniya genişmiqyaslı münaqişə şəraitində ölkə ərazisinin müdafiəsinin necə təşkil olunacağını əks etdirən Operativ Plan hazırlayıb. Sənəddə Almaniya hərbçilərinin Rusiya tərəfindən NATO ölkələrinə qarşı yönəlmiş fəaliyyətləri diqqətlə izlədiyi vurğulanır.

Sənəddə qeyd olunur ki, hibrid hücumlar “əsaslı şəkildə hərbi qarşıdurmaya hazırlıq mərhələsi kimi çıxış edə bilər”.