Avstraliya hərbi gücünü genişmiqyaslı şəkildə artırmağa başlayıb
Avstraliya hərbi gücünü genişmiqyaslı şəkildə artırmağa başlayıb
Avstraliya İkinci Dünya müharibəsinin başa çatmasından bəri ilk dəfə hərbi gücünü genişmiqyaslı şəkildə artırmağa başlayıb.
Yeni info.az-a "Report"un məlumatına görə, bunu Avstraliyanın müdafiə naziri Riçard Marlz Sinqapurda keçirilən "Şanqri-La Dialoqu" təhlükəsizlik forumunda çıxışı zamanı bəyan edib.
O, bu addımı təhlükəsizlik sahəsində vəziyyətin pisləşməsi və Hind-Sakit okean regionunda təhdidlərin artması ilə izah edib.
"Avstraliya müdafiə qüvvələri hazırda sərt güc transformasiyasından keçir. Müdafiə büdcəmizin 40 %-dən çoxu dəniz imkanlarının inkişafına yönəldilir", - Marlz bildirib.
Onun sözlərinə görə, Kanberra AUKUS tərəfdaşlığı çərçivəsində atom sualtı qayıqlarını, yeni esminsləri, freqatları və pilotsuz dəniz platformalarını əhatə edən yenidən silahlanma proqramını həyata keçirir.
Nazir Avstraliyanın İkinci Dünya müharibəsinin bitməsindən bəri ən mürəkkəb və təhlükəli strateji vəziyyətlə üzləşdiyini bəyan edib. O, sualtı infrastrukturun zədələnməsini, Cənubi Çin dənizindəki gərginliyi, İran ətrafındakı vəziyyəti və "kölgə donanması"nın fəaliyyətini əsas təhdidlər adlandırıb.







Oxşar -Yeniinfo.az
Ukrayna ilə bağlı buna razı olmayacağıq, lakin... - Magyar
İran ABŞ bazalarına zərbələr endirdi
Tramp İrana zərbələrə onlara görə razılıq verdi
Krımda qatarların gecə hərəkəti dayandırıldı
İranda mədən uçdu: ölən
SEPAH ABŞ-ın bu hərbi bazalarını vurdu
Pakistan Əfqanıstanı vurdu: 13 ölü, 14 yaralı
Ukrayna Rusiyanın qürur mənbələrindən birini məhv etdi