Avstraliya İran vətəndaşlarına və qurumlarına sanksiyalar tətbiq edir

Avstraliya, İslam İnqilabı Keşikçiləri Korpusunun (SEPAH) üzvləri də daxil olmaqla 20 İran vətəndaşına sanksiya tətbiq edib.

Bu barədə Avstraliyanın xarici işlər naziri Penni Vonqun açıqlamasında bildirilib.

"Avstraliya hökuməti 20 İran vətəndaşına və üç qurumuna qarşı əlavə sanksiyalar tətbiq edir. Yeni sanksiyalar İran xalqına zülm etməkdə, daxili etirazların qəddarcasına yatırılmasında və həm İran daxilində, həm də xaricində həyatlara təhdid yaratmaqda iştirak edən İslam İnqilabı Keşikçiləri Korpusunun (SEPAH) yüksək vəzifəli üzvlərinə aiddir", - Vonq bildirib.

Nazir həmçinin Avstraliyanın indiyə qədər 300-dən çox İran vətəndaşına və qurumuna sanksiyalar tətbiq etdiyini açıqlayıb.