Bakıda evin mətbəxi kollektora düşdü
Bakıda evin mətbəxi kollektora düşdü
Həyətlər çöküb, ərazidə iri çuxurlar yaranıb. Hətta, evlərdən birinin mətbəxi əşyaları ilə birlikdə kollektora düşüb.
Yeni info.az Xəzər TV-yə istinadla xəbər verir ki, görüntülər Xətai rayonu, Tofiq Hacıbabayev 88 ünvanındandır.
Sakinlər deyirlər ki, aramsız yağışlardan sonra küçə boyu müxtəlif evlərin həyətində çökmələr əmələ gəlib. Son günlərdə isə demək olar bütün həyətlərdə dərin quyular yaranıb.
Sakinlər iddia edirlər ki, evlər kollektorun üzərində tikilməyib. Əksinə, çökən kollektor sonradan çəkilib.
Onlar mövcud vəziyyətlə bağlı əlaqədar qurumlara da müraciət ediblər.
Məsələ ilə əlaqədar İri Şəhərlərin Birləşmiş Su Təchizatı xidmətindən bildirildi ki, kollektorun üzərində inşa edilmiş tikililərin yaratdığı yüklənmə nəticəsində şəbəkədə qəza baş verib. Su və tullantı su kollektorlarının, magistral və paylayıcı xətlərin üzərində, eləcə də onların mühafizə zolaqlarında hər hansı tikinti işlərinin aparılması qanunvericiliyə ziddir.
Məsələ ilə bağlı Bakı Sukanal İdarəsi tərəfindən əraziyə baxış keçirilib. Aidiyyəti üzrə işlərin görülməsi üçün müraciət olunub.







Oxşar -Yeniinfo.az
Bu şəxslər hərbi xidmətə çağırılmır - Yeni qaydalar
Eşşəyin dişlədiyi 70 yaşlı kişi öldü
Hansı hallarda daşınmaz əmlak son alıcıdan geri alına bilər?
Bakıda qadın sürücü qəza törətdi, ÖLƏN VAR
Bakıda evdən 50 yaşlı qadının meyiti tapıldı
Azov dənizində öldürülən azərbaycanlıların cənazələri ölkəyə gətirildi
Bakı-Tbilisi-Bakı qatarına əlavə vaqon qoşulacaq
Ceyhun Bayramov Yaponiyaya getdi