Yeni İnfo Xəbər Portalı

Yaşayış evlərinin sığortalanması yanğın, təbii fəlakət və ya qəzalar kimi gözlənilməz hadisələr nəticəsində əmlaka dəyən böyük maliyyə itkilərinin qarşısını almaq üçün vacibdir.

Yeni info.az-a Oxu.Az-ın "Qanun nə deyir?" rubrikasının bugünkü mövzusu çıxarışı olmayan evlərin sığortalanması ilə bağlıdır.

Çıxarışı olmayan evlər rəsmi dövlət reyestrində qeydiyyata alınmadığı üçün onların sığortalanması qanunvericilik baxımından mümkün deyil.

Lakin bəzi yeni tikili binalardakı mənzillər üçün istisnalar ola bilər.

Belə ki, sözügedən mənzillərdə müqavilə ilə müvəqqəti yaşayan vətəndaşlar çıxarış alana qədər həmin sənədlə evlərini sığortalaya bilərlər.

Həyət evlərində isə bu hal bir az fərqlidir.

Bəzi hallarda qarşılıqlı razılaşma əsasında bələdiyyə sənədi verilən kənd təsərrüfatı olmayan torpaq sahələrində tikilən evlər sığortalana bilər. Lakin sözügedən məsələ praktikada geniş yayılmayıb.

Qeyd edilməlidir ki, sığorta şirkətinin əməkdaşı hər hansı sənədlə evi sığortalayarsa və həmin müddətdə hadisə baş verərsə, vətəndaş kompensasiya tələb edə bilər.