"ChatGPT"də reklam funksiyası əlavə oluna bilər

Android üçün "ChatGPT" mobil tətbiqinin beta versiyasında reklam göstərilməsi mexanizmlərinin hazırlanmasına işarə edən kod aşkar edilib.

Bu barədə "Bleeping Computer" nəşrinə istinadən xəbər verir.

Beta versiyada "axtarış reklamları" və "reklam karuseli" kimi funksiyalara birbaşa istinadlar tapılıb. Bu, internet iqtisadiyyatını ciddi şəkildə dəyişə bilər, çünki indiyədək "OpenAI"nin çat-botu demək olar ki, bannerlərdən tam azad idi.

Güman edilir ki, ilkin mərhələdə reklam modulları yalnız axtarış funksiyalarına inteqrasiya olunacaq, lakin gələcəkdə bu, süni intellekt ilə digər qarşılıqlı əlaqə növlərinə də şamil oluna bilər.

Son məlumatlara əsasən, hər həftə təxminən 800 milyon insan "ChatGPT"dən istifadə edir, gündəlik sorğu sayı isə təxminən 2.5 milyarddır. Ən böyük istifadəçi bazasına malik ölkə Hindistandır və o, bu göstəricidə ABŞ-ni geridə qoyub.