Yeni İnfo Xəbər Portalı

Çilinin məşhur Torres-del Peyne Milli Parkında hava şəraitinin kəskin pisləşməsi səbəbindən beş turist həlak olub.

Bu barədə ölkə prezidentinin Maqalyanes bölgəsindəki nümayəndəliyinin ofisindən məlumat verilib.

Məlumata görə, itkin düşmüş kimi qeydiyyata alınan yeddi nəfərdən dördünün sağ olduğu müəyyən edilib. Üç nəfərin isə öldüyü təsdiqlənib. Onların arasında Almaniya və Böyük Britaniya vətəndaşları var. Həlak olan daha iki nəfər Meksikadan gələn turistlər olub.

Faciə turistlər arasında ən populyar olan parkın daha çətin sayılan dairəvi marşrut hissəsində baş verib. Ərazidə bir gün əvvəl qar yağdığı və güclü külək əsdiyi qeyd olunur.

Hadisədən sonra təhlükəsizlik məqsədilə parkın bir hissəsi ziyarətçilər üçün bağlanıb.