Çində 55 gün komada qalan səkkiz yaşlı oğlanın möcüzəvi oyanışı
Çində 55 gün komada qalan səkkiz yaşlı oğlanın möcüzəvi oyanışı
Çində səkkiz yaşlı oğlan sinif yoldaşlarının səslərini eşitdikdən sonra 55 günlük komadan ayılıb.
Bu barədə "South China Morning Post" nəşri məlumat yayıb.
Bildirilir ki, Hunan əyalətindən olan Lyu Çusi noyabr ayında yol-nəqliyyat hadisəsi nəticəsində ağır beyin və ağciyər xəsarətləri alıb. Həkimlər onun ayılma şanslarını son dərəcə zəif qiymətləndiriblər.
Zərərçəkənin anası müalicə üçün mümkün olan bütün yolları axtarıb. Həkimlərdən biri beynin stimullaşdırılması üçün tanış səslərdən istifadə etməyi tövsiyə edib. Qadın oğluna məktəblə bağlı səsyazmaları dinlətməyə başlayıb.
Oğlanın müəllimi sinif yoldaşlarını bir araya gətirərək onun üçün təsirli videolar hazırlayıb. Uşaqlar Lyunu futbol oynamağa çağırır, dərslərə qayıtmasını xahiş edir və onun sevdiyi mahnıları oxuyurdular.
Ana hər gün bu yazıları oğluna dinlədib. 45 gün sonra uşaq ilk dəfə göz qapaqlarını tərpədərək reaksiya verib, daha sonra isə müəllimin səsini eşidəndə gülümsəyib.
55-ci gün Lyu tam şəkildə özünə gəlib və əlini hərəkət etdirə bilib. Müəllimi və dostları onu ziyarət edəndə isə o, gözlərini açmağa və onlara əl yelləməyə cəhd göstərib.
Lyu Çusinin anası baş verənləri əsl möcüzə adlandıraraq hər kəsə göstərilən dəstəyə görə təşəkkür edib.







Oxşar -Yeniinfo.az
Əli Laricani: "ABŞ bizə Oman vasitəsilə bir neçə mesaj ötürüb"
BMW yüzminlərlə avtomobilini geri çağırır
Zelenski: Rusiya və Belarus istisna olmaqla istənilən ölkədə danışıqlara hazırıq
Rusiya XİN: ABŞ Almaniyada uzaqmənzilli raketlər yerləşdirsə, Moskva cavab verəcək
Türkiyə XİN başçısı: ABŞ İranın uranı məhdud həcmdə zənginləşdirməsinə razılıq verməyə hazırdır
Tramp İranla danışıqların davam etdirilməsində israrlıdır
Volqoqrad vilayəti raket atəşinə məruz qalıb
ABŞ-dan erməni diasporuna zərbə: Qondarma soyqırım.