Yeni İnfo Xəbər Portalı

"Hongqi HS6" hibrid krossoverinin Ginnesin Rekordlar Kitabına daxil edildiyi açıqlanıb.

Bu barədə "Autohome" məlumat yayıb.

Çində ictimai yollarda sınaqdan keçirildikdən sonra avtomobil şarj olunan (plug-in hybrid) güc aqreqatı ilə ən uzaqmənzilli SUV adını qazanıb. "Hongqi HS6 PHEV" Şanqri-Ladan yola çıxaraq, enerji və yanacaq doldurmadan Quançjouya çatıb. Marşrutun ümumi məsafəsi 2 327 kilometrdən çox olub.

Model tək və ya ikiötürücülü, ümumi gücü 228 və ya 502 at gücü olan iki güc aqreqatı variantı ilə istehsal edilib. Batareya tutumundan asılı olaraq, krossoverin tamelektrikli yürüş məsafəsi 152 ilə 250 kilometr arasındadır və rəsmi ümumi yürüş məsafəsi 1 650 kilometrə çatır. Hibridin qiyməti hələ açıqlanmayıb.

Məlumata görə, bu yeni modelin Çində satışları noyabrın 15-dı başlayacaq.