“Fələstin Fəaliyyəti”nə dəstək verən 60-dan çox şəxs mühakimə olunacaq

Britaniyada “Fələstin Fəaliyyəti”nə dəstək verən 60-dan çox şəxs mühakimə olunacaq

Britaniyada hakimiyyətin qadağan olunmuş terror təşkilatları siyahısına əlavə etdiyi Fələstin tərəfdarı hərəkata dəstək verən 60-dan çox şəxs mühakimə olunacaq.

Bu haqda London polisinin açıqlamasında bildirilir.

“Daha 60 nəfər qadağan olunmuş “Fələstin Fəaliyyəti” (Palestine Action) terror qruplaşmasına dəstək ifadə etdiklərinə görə mühakimə olunacaq”, - polisin açıqlamasında deyilir.

Qeyd edək ki, bundan əvvəl hüquq-mühafizə orqanları hərəkata qoyulan qadağa ilə bağlı ilk üç nəfərə qarşı ittiham irəli sürüldüyünü açıqlamışdı.

Polis bildirib ki, iyulun 5-də hərəkata qadağa qoyulduqdan sonra ümumilikdə 700-dən çox adam saxlanılıb. Yaxın həftələrdə daha çox cinayət işinin qaldırılacağı gözlənilir.