Gündəlik vərdişlərimiz xərçəng xəstəliyi yarada bilər

"Bəzi gündəlik vərdişlər gözlənilmədən onkoloji xəstəliklərin inkişaf riskini artıra bilər".

Bunu onkoloq və kimyaterapevt Liana Sadıkova bildirib.

Həkimin sözlərinə görə, yandıracaq dərəcədə isti çay və ya qəhvə içmək təhlükəlidir, çünki bu, qida borusunun selikli qişasında xroniki iltihaba səbəb olur və həmin orqanın xərçənginə gətirib çıxara bilər. Bundan əlavə, fastfudlar, qızardılmış, acı və yağlı yeməklərin çoxluğu mədənin və bağırsaqların şiş xəstəlikləri ehtimalını artırır.

Kimyaterapevt hərəkətli həyat tərzi fonunda çəkinin nəzarətsiz artmasının təhlükəsinə diqqət çəkib. Həkim bildirir ki, yağ toxumasının çoxalması hormonal disbalansa səbəb olur və bu, qadınlarda döş xərçəngi, kişilərdə isə prostat xərçəngi riskini yüksəldir.

Onkoloq xüsusilə siqaret çəkməyin təhlükəsini vurğulayıb. Tütün tüstüsündəki toksinlər ağciyər və mədəaltı vəzi hüceyrələrini zədələyir. Onun sözlərinə görə, gündə 10 siqaret çəkmək ağciyər xərçəngindən ölüm riskini təxminən 90 faiz, mədəaltı vəzi xərçəngindən ölüm riskini isə 30 faizdən çox artırır.