Gələn il yalnız ən bahalı smartfonlar LPDDR6 yaddaşı alacaqlar

2025-2026-cı illərdə yeni standart LPDDR6 yaddaşının qiymətlərinin kəskin artacağı gözlənilir. Bu səbəbdən həmin yaddaş ilk mərhələdə yalnız ən yüksəksəviyyəli çipsetlərdə və müvafiq olaraq, ən bahalı flaqman smartfonlarda tətbiq olunacaq.

Bu barədə "TweakTown" portalına istinadən xəbər verir.

Məşhur çinli insayder "Digital Chat Station"ın məlumatına görə, gələn il LPDDR6 texnologiyası çox baha qalacaq. Buna görə də əvvəlcə onu yalnız premium səviyyəli flaqman prosessorlar alacaq - məsələn "MediaTek Dimensity 9600", "Qualcomm Snapdragon 8 Elite Gen 6" və onun daha sürətli yaddaş və gücləndirilmiş GPU ilə fərqlənəcək Pro-versiyası.

Çinli yaddaş istehsalçıları artıq gələn ildən LPDDR6-nın kütləvi istehsalına başlamağı planlaşdırırlar. Lakin mənbələrin proqnozlarına görə, LPDDR6-nın nəzərəçarpacaq ucuzlaşması yalnız 2027-ci ildən başlayacaq. Bu səbəbdən yaxın iki ildə LPDDR6 ilə təchiz olunmuş flaqman smartfonların qiyməti LPDDR5-lə olan modellərdən xeyli baha olacaq. Yeni yaddaş standartının orta və yuxarı-orta sinif mobil cihazlara geniş şəkildə gəlməsi isə yəqin ki, 2028-ci ildən tez olmayacaq