Husilər Ben Qurion hava limanına raket zərbəsi endirdiklərini iddia ediblər

Yəmənin “Ənsar Allah” hərəkatının üzvləri ballistik raketdən istifadə edərək Ben Qurion hava limanına raket zərbəsi endirdiklərini açıqlayıblar.

Bu barədə hərəkatın sözçüsü Yəhya Sariya açıqlama verib.

"Yəmən silahlı qüvvələrinin raket qüvvələri unikal hərbi əməliyyat həyata keçirib və bu əməliyyat zamanı İsrailin hava hücumundan müdafiə sistemlərini üstələyən Fələstin-2 hipersəs ballistik raketindən istifadə edərək Lod hava limanına hücum edib", - o bildirib.

Onun sözlərinə görə uğurlu əməliyyat nəticəsində hava limanının fəaliyyəti müvəqqəti olaraq dayandırılıb.

İsrail ordusunun yaydığı məlumata görə, raket enərkən havada parçalanıb və qalıqları İsrailin mərkəzinə düşüb. Hadisə zamanı ciddi ziyan dəyməyib.