Həsən bəy Zərdabi adına mükafatın növbəti laureatları müəyyənləşib

Azərbaycan Jurnalistlər Birliyi milli jurnalistikanın inkişafında xidmətləri olan bir qrup media nümayəndəsini Həsən bəy Zərdabi adına mükafata layiq görüb.

Mükafat peşəkar jurnalistika, araşdırma fəaliyyəti, milli-mənəvi dəyərlərin təbliği, regional medianın inkişafı və ictimai kommunikasiyaya verilən töhfələr nəzərə alınaraq təqdim olunur.

2026-cı il üzrə mükafata layiq görülənlər arasında Çağrı.az saytının baş redaktoru Mübariz Yunusov da yer alıb. O, mediada səmərəli fəaliyyəti və jurnalistikaya verdiyi töhfələrə görə Həsən bəy Zərdabi adına mükafata layiq görülüb.

Qeyd edək ki, 2026-cı il üzrə Həsən bəy Zərdabi adına mükafatın təqdimetmə mərasimi 22 iyul – Milli Mətbuat Günü keçiriləcək.