Yeni İnfo Xəbər Portalı

İran ordusu və İslam İnqilabı Keçikçiləri Korpusu (SEPAH) tam döyüş hazırlığı vəziyyətinə gətirilib.

"Azad İran" "Telegram" kanalına istinadən xəbər verir ki, bunu SEPAH komandanının müşaviri, briqada generalı Mürtəza Qurbani deyib.

O, İranın ABŞ və İsrailin istənilən təcavüzünə hazır olduğunu bildirib.

"Hazırda təxminən 400 ordu bölməsi və SEPAH tətiyi çəkməyə hazırdır" ,- deyə SEPAH generalı əlavə edib.

Xatırladaq ki, İranda yüksək inflyasiya və milli valyutanın çöküşü ilə bağlı kütləvi etirazlar fonunda ABŞ Prezidenti Donald Tramp ölkə rəhbərliyini təhdid edib. O bildirib ki, İran hökuməti vətəndaşlarına qarşı güc tətbiq edərsə, ABŞ onları qorumağa hazırdır.