Yeni İnfo Xəbər Portalı

“Ölkəmizlə BƏƏ, İordaniya, Misir, Fransa və Almaniya arasında əldə olunan razılaşmaya əsasən, İsrail Müdafiə Qüvvələri Hökumətin Ərazilərdəki Fəaliyyətinin Koordinasiyası İdarəsinin təşkilatçılığı ilə son saatlar ərzində Qəzza sektoruna havadan 90 qutu həcmində humanitar yardım buraxılıb”.

Bu barədə İsrail Müdafiə Qüvvələrindən məlumat verilib.

Bildirilib ki, bu addım bölgədə yaşayan dinc əhalinin sosial vəziyyətinin yaxşılaşdırılması xarakteri daşıyır.

Məlumatda, həmçinin regionda aclığın hökm sürdüyü barədə informasiya təkzib edilib.

Qeyd olunub ki, İsrail Müdafiə Qüvvələri beynəlxalq ictimaiyyətin dəstəyi ilə Qəzza zolağında humanitar şəraitin daha da yaxşılaşdırılması üzrə fəaliyyəti davam etdirəcək.