İyulun 1-də gözlənilən hava şəraiti

Milli Hidrometeorologiya Xidmətinin məlumatına görə, Bakıda və Abşeron yarımadasında hava dəyişkən buludlu, əsasən yağmursuz keçəcək. Lakin gecə bəzi yerlərdə qısamüddətli yağış yağacağı ehtimalı var. Şimal-qərb küləyi əsəcək.

Havanın temperaturu gecə 18–21°, gündüz 26–31° isti olacaq. Atmosfer təzyiqi 760 mm civə sütunu, nisbi rütubət gecə 65–70 %, gündüz 40–45 % təşkil edəcək.

Azərbaycanın rayonlarında bəzi yerlərdə arabir yağış yağacaq, ayrı-ayrı ərazilərdə intensivləşəcək, şimşək və dolu düşəcək. Gecə bəzi yerlərdə yağıntının güclənəcəyi, axşama doğru isə əksər rayonlarda tədricən kəsiləcəyi gözlənilir. Dağlıq ərazilərdə gecə və səhər duman, şərq küləyi bəzi yerlərdə arabir güclənəcək.

Havanın temperaturu gecə 17–21°, gündüz 28–33°, dağlarda gecə 8–13°, gündüz 17–22°, bəzi yerlərdə isə 24–28° isti olacaq.