Yeni İnfo Xəbər Portalı

İyulun 5-də olan hava proqnozu açıqlanıb.

Bakıda və Abşeron yarımadasında hava dəyişkən buludlu, əsasən yağmursuz keçəcək. Lakin gündüz bəzi ərazilərdə qısamüddətli yağış və şimşək ehtimalı var. Külək gündüz cənub-qərbdən şimal-şərq istiqamətinə dəyişəcək.

Havanın temperaturu gecə 20–23°, gündüz 30–34° isti olacaq. Atmosfer təzyiqi 754 mm civə sütunu, nisbi rütubət gecə 60–70%, gündüz 50–55% təşkil edəcək.

Azərbaycanın rayonlarında isə bəzi yerlərdə fasilələrlə yağış, şimşək və dolu ehtimalı var. Ayrı-ayrı ərazilərdə qərb küləyi arabir güclənəcək. Temperatur gecə 20–24°, gündüz 31–36°, dağlarda gecə 12–17°, gündüz 18–23°, bəzi yerlərdə 27–30° isti olacaq.