İyulun 8-də gözlənilən hava şəraiti

İyulun 8-də olan hava proqnozu açıqlanıb.

Milli Hidrometeorologiya Xidmətinin məlumatına görə, Bakı və Abşeron yarımadasında hava dəyişkən buludlu, əsasən yağmursuz keçəcək. Lakin gecə və səhər bəzi ərazilərdə qısamüddətli yağış gözlənilir. Arabir güclənən şimal-qərb küləyi əsəcək.

Havanın temperaturu gecə 19-22°, gündüz 26-29° dərəcə isti olacaq. Atmosfer təzyiqi 757 mm civə sütunu, nisbi rütubət gecə 70-75%, gündüz isə 60-65% faiz təşkil edəcək.

Rayonlarda bəzi yerlərdə yağış yağacaq. Ayrı-ayrı ərazilərdə şimşək çaxacaq, dolu düşəcək. Gecə və səhər şimal və qərb rayonlarında yağıntının güclənəcəyi gözlənilir. Dağlıq ərazilərdə duman olacaq.

Havanın temperaturu gecə 20-24°, gündüz 30-34° isti, dağlarda isə gecə 11-16°, gündüz 18-23°, bəzi yerlərdə 25-28° dərəcə isti olacaq.