Kaya Kallas: "Aİ 2025-ci ildə Ukraynaya silah tədarükü üçün rekord məbləğ xərcləyib"

"Avropa İttifaqı (Aİ) 2025-ci ildə Rusiya-Ukrayna münaqişəsinin başlanğıcından bəri Ukraynaya silah tədarükü üçün rekord məbləğ - 27 milyard avro xərcləyib".

Bunu Aİ-nin xarici işlər və təhlükəsizlik siyasəti üzrə ali nümayəndəsi Kaya Kallas Brüsseldə Aİ XİN başçılarının görüşünün nəticələri üzrə keçirilən mətbuat konfransında deyib.

Onun sözlərinə görə, Aİ-nin Ukraynada münaqişənin həlli ilə bağlı prioritetləri dəyişməz olaraq qalır - Ukraynaya dəstəyin davam etdirilməsi və Rusiyaya təzyiqin göstərilməsi.

Kallas vurğulayıb ki, Ukraynaya ciddi hərbi zəmanətlər lazım olacaq, çünki Kiyevi NATO-ya üzvlükdən imtinaya məcbur edirlər.