"Mercedes-Benz"in mənfəəti iki dəfə azalıb

"Mercedes-Benz" 2025-ci ilin yanvar-sentyabr ayları üçün maliyyə hesabatını dərc edib.

Hesabata əsasən, şirkətin bütün bölmələr üzrə mənfəət 2024-cü ilin eyni dövründəki 7.8 milyard avrodan 3.87 milyard avroya düşüb.

Digər maliyyə göstəriciləri də pisləşib. Xalis rüblük mənfəət təxminən 31% azalaraq 1.72 milyard avrodan 1.19 milyard avroya düşüb.

Şirkət maliyyə itkilərini yeni tariflər səbəbindən xərclərin artması, mənfi məzənnə dinamikası və satışların ümumi azalması ilə əlaqələndirir.

Üçüncü rübdə "Mercedes-Benz" müştərilərə 441 500 minik avtomobili (furqonlar və yüngül kommersiya avtomobilləri istisna olmaqla), ilin əvvəlindən isə 1.34 milyon ədəd minik avtomobili təhvil verib. Bu da ötənilki rəqəmlərlə müqayisədə müvafiq olaraq 12.3% və 8.3% azalma deməkdir.