Yeni İnfo Xəbər Portalı

Pakistanın Pəncab əyalətinin Baş naziri Məryəm Nəvaz Şərif mayın 17-də Bakıda keçiriləcək Ümumdünya Şəhərsalma Forumunun 13-cü sessiyasında (WUF13) iştirak etmək üçün Azərbaycana səfər edəcək.

Yeni info.az “Report”a istinadən xəbər verir ki, o, bu barədə “X” sosial şəbəkəsində hesabında paylaşım edib.

Baş nazir qeyd edib ki, mayın 16-da Azərbaycana üçgünlük səfərə yola düşəcək.

Bundan əlavə, WUF13-də o, Pəncabın əlçatan mənzil təminatı proqramını təqdim edəcək.

M.Şərif Bakıda həmçinin Azərbaycan rəsmiləri ilə görüşlər keçirəcək, bu görüşlərdə şəhər inkişafı, iqlim dəyişikliyinə qarşı dayanıqlılıq, turizm və Pəncab ilə Azərbaycan arasında investisiya imkanları sahəsində əməkdaşlıq məsələləri müzakirə olunacaq.