Nüvə zərbəsi endirməyə qadir ölkələr

Dünyada nüvə zərbəsi endirməyə qadir olan 15 ölkə var. Bununla belə, Nüvə Silahlarının Yayılmaması haqqında Müqavilə yalnız beş dövlətə belə bir arsenala malik olmağa icazə verir: ABŞ, Çin, Rusiya, Fransa və Böyük Britaniya.

Bu barədə "Military Watch Magazine" məlumat yayıb.

Məqalə müəllifləri ölkələri nüvə arsenallarının ölçüsünə, imkanlarına və müxtəlifliyinə görə dörd kateqoriyaya bölüblər. Birinci (ən güclü) kateqoriyaya ABŞ, Rusiya və Çin daxildirlər. Onlar başqa qitəyə nüvə zərbəsi endirməyə qadir olan yeganə dövlətlərdir.

İkinci kateqoriyaya Şimali Koreya, Hindistan, Pakistan və İsrail daxildirlər. Onlar beynəlxalq müqavilələrdən kənar nüvə silahı hazırlayıblar.

Üçüncü kateqoriyaya Böyük Britaniya və Fransa daxildirlər. Hər ikisi nüvə arsenalını əsasən sualtı qayıqlarda saxlayır.

Dördüncü kateqoriyaya Almaniya, Niderland, Türkiyə, Belçika və İtaliya daxildirlər. ABŞ bütün bu ölkələrlə nüvə silahından birgə istifadə sazişləri bağlayıb. Bu o deməkdir ki, ABŞ arsenalı bu ölkələrin ərazisində saxlanıla bilər. Lakin ondan yalnız Vaşinqtonun icazəsi ilə istifadə edilə bilər.