Prezident İlham Əliyev uzun illərdir Davosda Dünya İqtisadi Forumunda fəal şəkildə iştirak edərək ölkəmizi qlobal, siyasi və iqtisadi müzakirələrin mərkəzində təmsil edir.

Dövlət başçısının Davosda iştirakı Azərbaycanın beynəlxalq enerji təhlükəsizliyində, nəqliyyat-logistika xəritəsində və qlobal iqtisadi gündəmdə artan rolunu nümayiş etdirir.

Prezident İlham Əliyev forumda ilk dəfə 2007-ci ilin yanvarında dövlət başçısı kimi iştirak edib. Tədbir "Güclərin qlobal balansının yerdəyişməsi" devizi altında keçirilirdi. Həmin il dövlət başçısı iclasda neft geosiyasətinin artan əhəmiyyəti mövzusunda çıxış edərək Azərbaycanın qlobal enerji layihələrinin mühüm iştirakçısına çevrildiyini vurğulayıb.

İlham Əliyev 2008-ci ildə Davosda ikinci dəfə iştirak edib. Energetika sənayesində günəş enerjisinin rolu mövzusunda əsas sessiyada çıxış edən Prezident iqlim dəyişiklikləri, karbon emissiyalarının azaldılması və alternativ enerji sahəsində əməkdaşlığın vacibliyinə diqqət çəkib