Yeni İnfo Xəbər Portalı

Azərbaycanın ən böyük rayonlarından olan Quba maraqlı göstəricisi ilə diqqət çəkir. Belə ki, 2 610 kvadratkilometr əraziyə malik rayon sahəsinə görə dünyanın 28 müstəqil dövlətini geridə qoyur.

Yeni info.az-a Modern.az-ın məlumatına görə, Quba rayonu Sinqapur, Lüksemburq, Bəhreyn, Sent-Lüsiya, Andorra, Komor Adaları, Palau, Seyşel Adaları, Mavriki, Antiqua və Barbuda, Barbados, Sent-Vinsent və Qrenadinlər, Qrenada, San-Tome və Prinsipi, Malta, Maldiv Adaları, Dominika, Sent-Kits və Nevis, Marşall Adaları, Lixtenşteyn, Tonqa, San-Marino, Tuvalu, Kiribati, Nauru, Monako, Mikroneziya Federativ Ştatları və Vatikan kimi dövlətlərdən daha böyük əraziyə malikdir.

Qeyd edək ki, siyahıda yer alan ölkələrin bir qismi dünyanın ən məşhur turizm məkanları, maliyyə mərkəzləri və ada dövlətləri hesab olunur. Buna baxmayaraq, onların hər birinin ümumi ərazisi Quba rayonunun sahəsindən azdır.