rdoğandan Maduronun həbsinə ilk reaksiya

İlin ilk Nazirlər Kabineti iclasından sonra açıqlama verən Türkiyə prezidenti Rəcəb Tayyib Ərdoğan ABŞ-nin Venesuela Prezidenti Nikolas Maduronu və həyat yoldaşını həbs edərək Nyu-Yorka aparmasını tənqid edib.

"Ölkələrin suverenlik hüquqlarının pozulması və beynəlxalq hüququn çeynənilməsi qlobal səviyyədə ciddi fəsadlara yol aça biləcək riskli addımlardır. Hüququn gücü əvəzinə, gücün hüququnun hökm sürdüyü dünyada sabitlik, böhran və münaqişələr əskik olmaz." deyə Ərdoğan bildirib.

Ərdoğan ABŞ Prezidenti Donald Tramp ilə telefon danışığı apardığını və Türkiyənin bu məsələdəki həssaslığını ona çatdırdığını bildirib: "Cənab Trampla telefon danışığımızda ölkəmizin narahatlığını bildirdik. Venesuelanın qeyri-sabitliyə sürüklənməməsinin vacibliyini vurğuladıq."

"Cənab Maduro və Venesuela xalqı millətimizin dostu olduqlarını göstəriblər. Biz həm Türkiyə, həm də dost Venesuela xalqı üçün ən doğrusu nədirsə, onu etməyə çalışırıq." deyə Türkiyə prezidenti sonda əlavə edib.