Yeni İnfo Xəbər Portalı

Martın 14-nə keçən gecə Rusiya qoşunlarının Ukraynanın Kiyev vilayətinə raket və dron hücumu nəticəsində azı 2 nəfər ölüb, 8 nəfər isə yaralanıb.

Bunu Kiyev Vilayət Hərbi Administrasiyasının rəhbəri Nikolay Kalaşnik Teleqram kanalında yazıb.

"Təəssüf ki, Brovarı rayonunda iki nəfər həlak olub. Yataqxana binası, istehsalat və anbar binaları zədələnib", - Kalaşnik bildirib.

O qeyd edib ki, hücumun fəsadları həmçinin paytaxtın Obuxov rayonunda da qeydə alınıb:

“Orada çoxmərtəbəli binanın texniki otağı zədələnib, yaxınlığında isə avtomobillər yanıb”.

***

Rusiya qoşunlarının Ukraynanın Kiyev vilayətinə hücumu nəticəsində ölənlərin sayı beş nəfərə çatıb.

Bu barədə vilayət hərbi administrasiyanın rəhbəri Nikolay Kalaşnik məlumat verib.

Hücum nəticəsində 22 nəfər də yaralanıb.