Yeni İnfo Xəbər Portalı

Şimali Koreyanın təxminən 30 hərbçisi KXDR ilə Cənubi Koreya arasındakı demarkasiya xəttini keçib.

Bu barədə "Yonhap" agentliyi BMT Komandanlığına istinadən məlumat yayıb.

Hadisənin avqustun 19-da baş verdiyi bildirilir. Cənubi Koreya Qərargah Rəisləri Komitəsi ötən gün açıqlama yayaraq sərhədin pozulmasına cavab olaraq xəbərdarlıq atəşi açdıqlarını bildirib.

Şimali Koreya Silahlı Qüvvələrinin Baş Qərargahı isə hərbçilərin sərhəd yaxınlığında tikinti işləri apardığını açıqlayıb. Pxenyan insidenti Cənubi Koreya və ABŞ arasında keçirilən hərbi təlimlərlə əlaqələndirib və Seulu regionda qüvvələr balansını pozmaqda ittiham edib.