Stalin Hitlerə sərfəli sülh təklif etmişdi, indi də Putin..

Ukrayna sülhə yaxınlaşmaq üçün son dərəcə ağrılı kompromislərə razılaşıb, lakin Rusiya hələ də barışmaz mövqeyini nümayiş etdirir və bu vəziyyətdən ölkəmiz fayda əldə edə bilər.

Bu sözləri Rusiya-Ukrayna müharibəsinin veteranı, "Aydar" batalyonunun sabiq tağım komandiri Yevgeni Dikiy bildirib.

O hesab edir ki, hazırda sülh danışıqları əslində diplomatik oyundur:

“Mənə elə gəlir ki, Rusiyanın barışmaz mövqeyi bizə şans yaradır. Məsələ ondadır ki, Ukrayna faktiki olaraq ən ağrılı kompromisə gedib: bu gün razılaşmaya hazır olduğumuz sülh şərtlərini "kompromis" adlandırmaq belə çətindir. Amma Rusiya buna da razı olmur. O, müharibənin yalnız tərəflərdən birinin tam qələbəsi ilə yekunlaşacağı halda başa çatmış hesab edə bilər”.

Ekspert qeyd edib ki, Rusiya öz qələbəsinə əmindir, lakin o, bununla razılaşmayıb:

“İstisna etmirəm ki, sonradan tarixçilər indiki hadisələri 1942-ci ilin fevralında alman hücumunun ilk dəfə Moskva yaxınlığında dayandırılmasından sonra Stalinlə Hitlerin nəticəsiz danışıqlarını xatırladıqları kimi xatırlayacaqlar. Həmin vaxt Stalin Hitlerə son dərəcə sərfəli sülh təklif edirdi: Ukraynanın, Belarusun, Baltikyanı ölkələrin və bir sıra digər ərazilərin Almaniyaya verilməsi ilə. Amma Hitler müharibəni Uraladək aparmaq istəyərək bundan imtina etdi və nəticədə onu Berlin bunkeri bitirdi”.