Tramp İranı "çox güclü zərbə" ilə hədələdi

ABŞ Prezidenti Donald Tramp etirazçıların öldürüləcəyi təqdirdə İrana çox güclü zərbə endirəcəklərini bildirib.

Tramp bu sözləri "The Hugh Hewitt Show" radio proqramına müsahibədə deyib.

O qeyd edib ki, Vaşinqton İranda baş verənləri diqqətlə izləyir. Trampın sözlərinə görə, etiraz aksiyalarının bir neçə iştirakçısı hüquq-mühafizə orqanlarının asayişi təmin etməkdə yaşadığı problemlər səbəbindən həlak olub.

"İran hakimiyyətinin vəziyyəti çox pisdir. Mən onlara açıq şəkildə bildirdim ki, əgər insanlar öldürülməyə başlansa - onlar adətən iğtişaşlar zamanı bunu edirlər, çünki onlarda tez-tez iğtişaşlar olur - əgər bunu etsələr, biz onlara qarşı çox güclü zərbə endirəcəyik", - deyə Tramp vurğulayıb.