Türkiyə də bu prosesə daxildir

Türkiyə də bu prosesə daxildir - Tramp

Bəli, bu mövzu barədə danışdıq. Geniş bir ərazini əhatə edirik. Hazırda hər şey yaxşı gedir, ABŞ-ın müdaxiləsinə ehtiyac yoxdur. Görünür, mühüm ölkələr məsələni özləri həll edə biləcəklər.

Bu sözləri ABŞ Prezidenti Donald Tramp ABŞ və Qətər arasında keçirilən təhlükəsizlik danışıqları, həmçinin bölgədə fəaliyyəti gözlənilən sülhməramlı qüvvələr barədə açıqlama verərkən deyib.

“Səudiyyə Ərəbistanı, Birləşmiş Ərəb Əmirlikləri (BƏƏ), Qətər və onların arxasında, hətta yanında duran bir çox dövlətlər var. Türkiyə də bu prosesə daxildir. Eyni zamanda İndoneziya, İordaniya və Misir də, eləcə də bölgədən bir qədər uzaqda yerləşən, hadisələrə birbaşa yaxın olmayan ölkələr də bu prosesin içərisindədir. Hər kəs bu prosesdə iştirak edir”, - Tramp söyləyib.

Qeyd edək ki, ötən gün ABŞ Prezidenti Donald Tramp Qətər Əmiri Şeyx Təmim bin Həməd əs-Sani ilə Dohada görüşüb.