Venesuelada Maduronu əvəz edən şəxsə ləqəblər verilib

Venesuela prezidentinin səlahiyyətlərini icra edən Delsi Rodrigesə Nikolas Maduronun qaçırılmasından bəri ölkədə "kraliça" və "dişi pələng" ləqəbləri verilib.

Bu barədə məlumat "Reuters" agentliyi tərəfindən yayımlanıb.

Məlumata görə, Rodriges Venesuelada hökumətdəki ən qəddar fiqurlardan biri hesab olunur. Ölkədə əhəmiyyətli təsir gücünə görə ona "kraliça" ləqəbi verilib, Maduro isə onu "dişi pələng" adlandırıb.

Rodriges ixtisasca hüquqşünasdır. Universiteti bitirdikdən sonra təxminən on il Fransa və Böyük Britaniyada yaşayıb. O, müxtəlif illərdə Venesuelada yüksək vəzifələrdə çalışıb və 2018-ci ildən bəri vitse-prezident postunu tutur.

Xanım siyasətçi sərt iqtisadi siyasət yürüdüb: dövlət xərclərini azaltmaq, inflyasiya ilə mübarizə aparmaq və kreditləşməni məhdudlaşdırmaq.