Yeni İnfo Xəbər Portalı

Yevlaxda ötən gün baş verən yanğın hadisəsində daha bir nəfər həyatını itirib.

Yanıq xəsarətləri alan şəxslərdən biri, 58 yaşlı Kamran Mayıl oğlu Mehdiyev Bakı şəhərində müalicə aldığı xəstəxanada dünyasını dəyişib.

Xatırladaq ki, Yevlax şəhərində 83 yaşlı Nərgiz Savalan qızı Mikayılovaya məxsus, şəhərin S.Vurğun küçəsi, bina 15/20 ünvanında yerləşən, ümumi sahəsi 80 kvadratmetr olan 4 otaqlı mənzilin 20 kvadratmetr sahəsi yanar konstruksiyaları və içərisindəki əşyaları ilə birlikdə yanıb.

Yanğın nəticəsində mənzilin sahibi və onun oğlu həlak olublar. Yevlax şəhər sakini, 60 yaşlı Yasəmən Mayıl qızı Vahabova isə yanıq xəsarətləri alıb.