Yeni İnfo Xəbər Portalı

Müstəqil dövlətin yaradılmasını müdafiə edən Yəmənin Cənub Keçid Şurası (CKŞ) respublikanın beynəlxalq səviyyədə tanınmış hökumətinin və Səudiyyə Ərəbistanının cənub məsələsini həll etmək üçün ər-Riyadda konfrans keçirmək təşəbbüsünü alqışlayıb.

Bu barədə CKŞ-nin bəyanatında bildirilir.

"Cənub Keçid Şurası Səudiyyə Ərəbistanının cənub qüvvələri arasında dialoqa sponsorluq etmək təklifini alqışlayır. Şura, Milli Xartiyanı imzalayan tərəfdaşları ilə birlikdə, bu dialoqda və ya cənubun mənafeyi naminə hər hansı digər dialoqda iştirakını təsdiqləyir, bu təklifi yüksək qiymətləndirir və onu real imkan hesab edir", - bəyanatda deyilir.