Zəngəzur dəhlizindən heyrətamiz görüntülər

Zəngəzur dəhlizinin başladığı nöqtədən yeni görüntülər yayılıb.

Sosial şəbəkələrdə paylaşılan videolarda Araz çayı yaxınlığında salınan dəmir yolu xətti əks olunub.

Görüntülərdə Zəngəzur dəhlizi boyunca inşa edilən qatar yolunun texniki vəziyyəti və ərazinin ümumi mənzərəsi diqqət çəkir. Məlumata görə, gələcəkdə dəhliz vasitəsilə hərəkət edəcək qatarlar məhz bu dəmir yolu xəttindən istifadə edəcək.

Qeyd edək ki, Zəngəzur dəhlizi Naxçıvanla Azərbaycan arasında təxminən 43 kilometrlik məsafəni əhatə edir. Dəhlizin istifadəyə verilməsi Ankara ilə Bakını birbaşa dəmir yolu və avtomobil yolu ilə birləşdirəcək. Layihə həm magistral avtomobil yolu, həm də dəmir yolu xətlərini nəzərdə tutur.

Hazırda Azərbaycan tərəfi Zəngəzur dəhlizinə birləşdiriləcək Əhmədbəyli–Horadiz–Mincivan–Ağbənd avtomobil yolunun tikintisini davam etdirir.