Yeni İnfo Xəbər Portalı

İstədiyinə nail olan Bakı Sünikdən (Qərbi Zəngəzur) keçən marşrutun adları ilə bağlı mübahisələrə son qoymaq qərarına gəlib.

Bunu erməni politoloq Suren Surenyants Azərbaycan Prezidenti İlham Əliyevin yanvarın 5-də yerli telekanallara müsahibəsində Zəngəzur dəhlizi ilə bağlı səsləndirdiyi fikirləri şərh edərkən deyib.

İlham Əliyev müsahibədə Azərbaycan vətəndaşlarının Zəngəzur dəhlizinin açılacağına şübhə etmədiklərini bildirib:

“Ermənistanla münasibətlərin normallaşdırılması prosesinin bir hissəsi olaraq həll etməli olduğumuz bütün məsələlər istədiyimiz kimi həll edilib”.

Surenyantsın sözlərinə görə, layihənin adının “Tramp yolu”, Zəngəzur dəhlizi və ya başqası olmasından asılı olmayaraq, əsas məsələ bu yolun əməliyyat parametrləridir:

“Təhlükəsizlik rejimi, gömrük və pasport nəzarəti, eləcə də bu rejimin Ermənistanın yurisdiksiyası və suverenliyini məhdudlaşdırıb-məhdudlaşdırmadığını və digər şeyləri anlamaq vacibdir. Bu baxımdan, Azərbaycanın istədiyinə nail olduğunu düşünürəm. Əliyevin də açıqlamasına əsasən, sözügedən marşrut Azərbaycanın tələblərinə tam cavab verir”.